22.10.2025
Ортаңғы "Қуыршақ" тобында "Тәртіптің ең тамаша мектебі - отбасы" тақырыбында ата - аналар жиналысы өтті. Жиналыста балабақша меңгерушісі Л.Б.Курманова ата - аналарға тәрбие мен оқытудың негізгі бағыттары және балабақша мен ата - аналар арасында тығыз байланыс орнатудың маңыздылығы жайлы айтты. "Балабақшадағы 2025 - 2026 оқу жылындағы тәрбие мен оқытуды ұйымдастыру жолдары" тақырыбында әдіскер Г. Ж. Бекенова және психолог Шамшина Н. М. 3 жастағы балалардың психологиялық ерекшеліктеріне тоқталып, ата - аналарға баламен қарым - қатынаста шыдамдылық танытып, сүйіспеншілікпен қарай білудің маңызын түсіндірді. Баланың бейімделу кезеңінде ата - ана мен тәрбиешінің тығыз байланысы қажет екені де атап өтілді. Жиналыс соңында ата - аналар өздерін қызықтырған сұрақтарын қойып, пікір алмасып бала тәрбиесінде жауапкершілік ортақ екені айтылды.