Сапар барысында мекеменің күнделікті тыныс-тіршілігімен танысып, оқу-тәрбие үдерісінің ұйымдастырылу барысын көзбен көріп, ұжыммен еркін форматта пікір алмасты.
Балабақша әдіскері білім беру ұйымының жетістіктері мен алдағы жоспарлары туралы баяндап, балалардың жан-жақты дамуына бағытталған әдістемелік жұмыстар мен шығармашылық жобалармен таныстырды. Сонымен қатар, мекеменің материалдық-техникалық базасы, санитарлық-гигиеналық жағдайы, қауіпсіздік талаптарының сақталуы да назардан тыс қалмады.
Балаларға жасалған қолайлы жағдайлар, тәрбиеленушілердің белсенділігі мен шығармашылық қабілеттері, сондай-ақ тәрбиешілердің кәсіби шеберлігі білім бөлімінің басшысы тарапынан оң бағасын алды.
Кездесу соңында білім бөлімінің басшысы балабақша ұжымына алғысын білдіріп, жас ұрпақтың жарқын болашағы жолында жасап жатқан еңбектеріне табыс тіледі. Сонымен қатар, сапалы білім мен тәрбие беру ісінде жаңашылдық пен үздік тәжірибелерді енгізудің маңыздылығын атап өтті.
