Шара барысында бүлдіршіндеріміз асыл аналарға арнап жүрекжарды өлеңдерін оқып, әсем ән шырқап, би биледі. Кішкентай қолдарымен дайындаған сыйлықтарын табыстап, аналарына деген сүйіспеншіліктерін білдірді.
Аналарымыздың жүзінен қуаныш пен мақтаныш сезімі байқалып, мереке ерекше жылы көңіл күйде өтті.
Ана – әр баланың жүрегіндегі ең қымбат жан. Осындай тағылымды шаралар арқылы біз балаларды мейірімділікке, құрметке, ізгілікке тәрбиелейміз.
Барша аналарға мықты денсаулық, таусылмас бақыт пен шаттық тілейміз!