31.10.2025ж
Міндеті: Отбасы құндылықтарын дәріптеу, әке мен бала арасындағы байланысты нығайту. Әкелердің бала тәрбиесіндегі рөлін айқындап, оларға әлеуметтік қолдау көрсету.Әкелерді балабақша өміріне белсенді қатыстырып, ынтымақтастықты арттыру.
Шара барысында:
Балабақша әдіскері Г.Б.Уразалина және педагог - психолог Н.М. Шамшинаға сөз берілді. Әкелер мектебінің жылдық жоспары таныстырылды.Әке мен бала қарым-қатынасына арналған бейнеролик көрсетілді."Отбасылық құндылық ағашы" атты шығармашылық жұмыс ұйымдастырылды.Әке мен балаға қатысты сұрақ-жауап ойыны өткізіліп, "Шаңырақ" атты тренинг арқылы ата-аналарға бірлік пен татулықтың маңызы түсіндірілді.
Құрметті әкелер!
"Әке - отбасының тірегі" тақырыбындағы дөңгелек үстелге уақыт бөліп, белсенді қатысқандарыңыз үшін шын жүректен алғыс айтамыз. Сіздердің бала тәрбиесіне деген жауапкершіліктеріңіз бен үлестеріңіз – болашақ ұрпақтың саналы, тәрбиелі болып өсуіне үлкен негіз.
Әке мен бала арасындағы сыйластық пен сенім – отбасының берекесі, қоғамның тірегі. Сіздердің өнегелі сөздеріңіз бен іс-әрекеттеріңіз балаларға үлгі болып, олардың бойына адалдық, еңбекқорлық, отансүйгіштік сияқты асыл қасиеттерді сіңіреді.
Алдағы уақытта да бірлескен іс-шараларда жүздесіп, тәрбиелік жұмыстарды бірге жалғастыра берейік!
Жауапты: Муз.жетекшісі: А.А.Наурзалиева Тәрбиеші: Р.Х.Бурханова