«Сүйікті қалам – Астана»
07.07.2026 ж Астана күні мерекесіне орай «Болашақ» Бестамақ балалар бақшасында тәрбиеленушілер арасында «Сүйікті қалам – Астана» тақырыбында шығармашылық іс-шара ұйымдастырылды. Іс-шараның мақсаты – балалардың елорда туралы білімдерін кеңейту, туған жерге деген сүйіспеншілігін қалыптастыру және шығармашылық қабілеттерін дамыту.
Іс-шара барысында тәрбиеленушілер бейнелеу, жапсыру, құрастыру және мүсіндеу бағыттары бойынша жұмыстар орындады. Балалар өз қиялдары мен шығармашылық мүмкіндіктерін пайдалана отырып,Астана қаласының көрікті жерлерін, заманауи ғимараттарын, Бәйтерек монументін және елорданың әсем келбетін бейнеледі.Тәрбиеленушілердің шығармашылық белсенділігі артып, туған елдің бас қаласына деген мақтаныш сезімі қалыптасты.
Іс-шара өз мақсатына жетіп, тәрбиеленушілердің қызығушылығын оятып, патриоттық тәрбие беруге ықпал етті.