«Мамандықтар әлемі»

Балабақшаның жазғы сауықтыру жоспарына сәйкес тәрбиеленушілердің танымдық қабілеттерін дамыту және әртүрлі мамандықтарға қызығушылығын арттыру мақсатында «Мамандықтар әлемі»тақырыбында сюжеттік-рөлдік ойындар ұйымдастырылып өткізілді. Балалар дәрігер, аспаз, құрылысшы, сатушы және басқа да мамандық иелерінің рөлін сомдап, олардың еңбегімен жақынырақ танысты.

Ойын барысында бүлдіршіндер өзара қарым-қатынас жасау, жауапкершілік таныту, бірлесіп әрекет ету дағдыларын дамытып, әр мамандықтың қоғамдағы маңызын түсіне білді. Әр бала өз қиялын еркін көрсетіп, рөлді шынайы әрі қызығушылықпен орындауға тырысты.Балалардың шат күлкісі мен белсенділігі жазғы күндердің жарқын сәтіне айналды.