«Күзгі эко идеялар» қолөнер көрмесі

«Балапан» тобында қазан айында күз мезгілінің әсемдігін шығармашылықпен ұштастырған «Күзгі эко идеялар» атты табиғи материалдардан жасалған қолөнер көрмесі өтті.
Күзгі жапырақтар, бүрлер, жаңғақтар, бұтақтар мен басқа да табиғи материалдар бүлдіршіндер мен ата-аналардың қиялына қанат бітіріп, ерекше туындыларға айналды.Бірі жапырақтан әсем бейне жасаса, енді бірі бүр мен бұтақтарды пайдаланып, ерекше дүниелер құрастырған. Әр жұмыстың өзіндік ерекшелігі бар. Ең бастысы - балалардың қызығушылығы мен ата-аналардың еңбегі көрініс тапты.Осындай шағын шығармашылық жұмыстар арқылы балалар табиғатқа жанашыр болуды, оны қорғауды үйренеді.
Көрмеге белсене қатысқан ата-аналарымызға алғыс айтамыз!